|
Asteko argazkia ez da astekoa izango |
|
2008.04.02 |
|
Hamaika bertuteko kideok egin genuen azken bileran "Asteko argazkia" asterokoa ez izatea erabaki genuen. Edo nahiago baduzue, guretzat asteak orain artean baino luzeagoak izango dira... Hilabetekoak batzutan, 37 egunekoak bestetan... Nork daki. iinork argazkiren bati buruzko bertsorik egiten badu (taldekideren baten zein beste edonork), orduan eskegiko dugu eta denen eskura jarri.
Hala ere, eta gure jardunaren ardatzetako bat umorea denez, ezin, bada, hemen jarri gabe utzi taldeko postara iritsi zaigun bertsoa. Izan ere, azken argazkia duela pare bat hilabete eskegi genuen: Bilboko Zazpi Katu gaztetxearen itxierari buruzkoa zen, eta "Asteko argazkia" izenarekin ikus dezakezue oraindik... Gorka Urbistondo ohartu da gure astea luzatzen ari zela eta... hara zer bidali digun!!
Lotsari aurre eginaz
mugituko det mingaina,
lotsagabekeria bat
izango da igual baina,
Manuren bertso parea
iruditzen zait bikaina,
baina bertso honekintxe
sartu nahi dizuet kaņa
asteko argazkia jarriz
ta hilabete alajaina
katu horri honezgero
egin zitzaion usaina!!!!!
Zer esango diogu... Arrazoi duela!!!
|
|
|
2008.02.18 |
|
Katuek zazpi bizitza omen dituzte. Zazpi katuk... berrogeita bederatzi??
Badakigu txakurrak eta katuak ez direla sekula ondo moldatu, eta gaur horren lekuko izan dira Bilboko Zazpi Kaleetako gazteak. Txakurrak iritsi eta kolpeka kendu nahi izan dizkiote bat, bi, hiru... zazpi bizitza Bilboko Alde Zaharreko gaztetxeari. Eta gaurkoz lortu dute: 1-0. Itxi egin dute Zazpi Katu.
Gazteek miauka jarraitzen dute, ordea... eta arramazka egiten ere badakite, eta teilatuak inbaditzen, eta jauzi egin ostean lau hanken gainean erortzen eta...
Idatzi zure bertsoak
Email helbide hau \?Spam Bots\?-etatik babestua izaten ari da, ikusteko Javascript gaituta izan behar duzu
helbidera!!!
Txakurrek beti ezin dutenez
bete beraien desira
jarri gaitezen aurrea hartu
eta aurrera begira.
Borrokan segi beharra dago
nahi dugunaren harira;
gazteen aurka ezingo dute,
gure egia hori da.
Beraz, aurrera egin ta eman
gaztetxeari segida
7 katuko talde batentzat
txakurrak 4 katu dira!
Astelehen goizez ustekabean
inguratu zuten Ronda,
desalojatu behar zutela
esan zuten ahots-gora:
txakurrak sartu ziren barrura
eta gazteak kanpora,
gazteen aurka kargatu zuten
eta txakurrak gustora.
Baina berriro okupatua
egon da ta hara froga:
bizi bat kendu diguten arren
luzaroan biziko da!
Manu Goiogana (2008-02-19)
Doinua: "Arratsaldeon eta muxu bat"
|
|
|
2008.02.04 |
|
Garizumaren aurreko garaia dela dio amonak. Baina...
Bizitza ordenatuegiarekiko errebelazioak? Kaosak? Gau batez inoiz izango ez zaren pirata, pailazoa, puta, indioa... izatearen plazerak? Eguneroko mozorroa aldatzeko aukerak eragindako lasaituak?
Zerk egiten ditu ihauteriak erakargarri? Zergatik aukeratu duzu mozorro hori? Zer sentitzen duzu takoi horien gainean? Eta nolakoa da neskaz mozorrotutako mutilari muxu ematearen sentsazioa?
Kendu mozorroak eta erantzun!
Bidali zuen bertsoak
Email helbide hau \?Spam Bots\?-etatik babestua izaten ari da, ikusteko Javascript gaituta izan behar duzu
helbidera!
|
|
|
|
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>
|
| Emaitzak 1 - 5 of 50 |
Gertakizun berri bat bidali
