Alkondara, soineko, galtza, kantzontzillo eta kulero beltzak soinean. Gitarra ere beltza zen, galtzerdi. Lutoa? Baita zera ere! Festa! Eta handietakoa! Kordobesen txapela jantzi eta, krabelina bihotzean, bertso-flamenkoa egin genuen. Doinu rockeroetan kantatu genuen,doinu berezietan, doinu beti-betikoetan. Izan genituen bertso-paperak, literatura, dantza, trikitixa, une gozoak, umoretsuak, kritikoak... Aitzolen hitzarekin bakarrik definitu liteke: ANTOLOGIKOA. Egia da zutik jarri ziren gehienak lagunak genituela, baina... nolako ilusioa egiten duen!

Batzuek esango dute sakrilegioa egin genuela: Santa Eskean eskatu genuen bakarra zerbeza izan zen zen, eta musika jaisteko, koplatan egin behar genuela eta. Arrantzaleen artean baserritar jantzita santa-poteoan ateo kuadrilla. Kinki eta kanka makilarekin Getariako aldapa pikoetako adokinetan. Mila esker Harraldekoei jarritako afariagatik!! Ohitura zaharra aldatu genuen, baina ohitura berriak sortu asmoz: datorren urtean berriz!! Irudi guztiak argazkiak atalean dituzue!

Aitzol Barandiaran eta Urko Egaña Markiñako Gazte Egunean. Puzzleari falta zitzaizkion piezak???

Aipatzekoa Iraia Elias eta Nagore Etxaberen talentua!! Lezio ederra eman ziguten hitzekin baino ez zela inprobisatzen uste genuenoi!

Mila esker Arkaitz eta Miriam trikitilari iturendarrei, Urtziri, Iñaxio Mariri, Iraiari, Eñauti eta eguna antolatzen lagundu ziguten beste guztiei!

"Argazkiak" atalean duzue festako uneak biltzen dituen albuma. Gozatu eta indarrak bildu: oraindik ospatzeko egun asko geratzen dira eta!

Zin egiten dugu azaroaren 8koa egun serioa izan zela. Bertsotan egin genuela eta Ataunen egin zen bileran erabaki irmoak hartu genituela. Azaltzerik izan ez zutenek akta web orri honetako argazkiak atalean topatuko dute.

Goizeko ordu txikietan ere tabladura igo eta trikitilariei laguntzen. Hori duk bihotzetik kantatzea, Gurru!

Esan zuen norbaitek: 

...azken arrazoirik gabe

ez dakigu nola bizi...

Azken arrazoia zein den... Hori beste kontu bat da.

Joan zen igandean, uztailaren 27an, Hamaika bertuteko saiorik jendetsuena izan genuen, Oñatiko lurretan. 260 bat lagun bildu ziren, Duruko txaboletan (Arantzazutik gora), Duruko egunaren harira. Bikain aritu ziren bertsolariak, goiz eta arratsalde, erromeria egun betean. 

Goizeko 9ak. Arantzazu. Beñat Gaztelumendi añorgarra eta Gorka Azkarate urretxuarra. ‘Hauek ze kristo ari dira hemen?’. Aldapan gora doaz behintzat, mendi bueltan. Ondo girotuta iritsi nahi dute eguerdi partetik aurrera Duruko txaboletan izango duten bertso zitara...

Oihana Bartrak eta Jon Martinek bertso bazkaria egin genuen Arrigorriagako Ez dot sinesten taldearen aretoan. Giro bildua eta lagunkoia topatu genuen bertan. Geroan sinesteko modukoa...

Ez dot sinesten taldekoek bideo bat zintzilikatu dute youtuben. Saio ostean Martinek kantatutako abestia dago entzungai bertan. Hona linka:

http://es.youtube.com/watch?v=jWA7cjPwzIM# 

        Ikaragarria izan zen pasa den larunbat eguerdian Ataungo San Martirio plazan gertatua.Barandiaran-Muñoa bikoteak dena alde bazuen ere 7sg-ren abantailaz Zulaika-Matxi bikote gaztea gailendu zen trontza apustuan. Lekua batetik, San Martirio plaza, ezaguna Barandiaranek lortutako trontza apustuengatik, duen egokiera eta aldapak, ongi ezagutu eta zukua ateratzen daki bere berezitasunei, erregistroa bikain aprobetxatzen daki, bertaratu zen bati entzun bezala, baina galdu egin zuten. Egurra berriz makala zen, Muñoarentat aproposa, badakigu berrobitarrak zer zailtasun, ezintasun, gabezi, ahulezi dituen,bertaratu ez zen bertako batek esango luken bezala, bestelako egurrekin, pago, haritz edo aglomeratua bezalako egur gogorragoekin, baina galdu egin zuten.

Gaur goizean, maiatzaren 16an, 11 Bertute Lasarteko Landaberri ikastolan izan da. Amaia Agirre eta Andoni Otamendi izan dira bertan kantatu duten bertsolariak. Olerkiaren astea ospatzen ari dira Landaberrin, eta horren barruan, hiru saio egiteko eskaera iritsi zaigu11 Bertuteko kideoi. Bertan izan dira Mikel Arrillaga, Uxue Alberdi, Mantxi, Amaia eta Andoni bertutekideak.