Estitxu Eizagirrek Argia astekarian idatzitako artikulua.

Yang. Maskulinoa-distira-konkretua-kontzientea-pentsamendua.
Ying. Femeninoa-opakoa-sotila-inkontzientea-sentimendua.

”Gure Mendebaldeko kulturan, yang munduarekin identifikatzen gara: konkretua, fisikoa eta materialki demostragarria den oro ulertzen dugula uste dugu. Emaitza ukigarriak eta pentsamendu intelektualak du indarra, eta sinesmen eta ohitura horretara makurtuta gaude gizon zein emakumeak”. (Laura Gutman, Puerperios y otras exploraciones del alma femenina).

«Antolatzaileek telefonoz deitzen dute edo posta elektronikoz idazten dute, eta orduan, telefonoaren ardura daukanak jasotzen du non den, noiz eta zelako saio mota den. Ondoren, kide guztiei egiten die dei, eta gertu dauden bertsolari guztien artean antolatzailearen, saio eraren edo lekuaren irizpideak jarraitzen dira», azaldu du Egoitz Aizpuru Hamaika Bertuteko kideak. Urte eta erdian hamaika dei eta posta mezu jaso dituzte Hamaika Bertuteko bertsolariek eta gai-jartzaileek; izan ere, bertso saioak ere hamaika izan baitira urte eta erdian, 200 bat inguru.

«Bertsolaritza espazio berrietara zabaltzea zen asmoa, eta horren bidez, hainbat jenderi saioak antolatzeko aukera eskaintzea, eta guk ere kantatzeko aukera edukitzea», dio Ainhoa Agirreazaldegi bertsolariak eta Hamaika Bertuteko kideak. Hamaika Bertuteko kidea da Andoni Otamendi bertsolaria ere, beste 43 kiderekin batera, eta bertso saioak antolatzeko gogoz zegoen jendeari eta alderdi ekonomikotik saio bat antolatzeko aukerarik ez zutenei antolatzeko aukera eman diela dio, ekimenaren bidez antolatzaileek 25 euro ordaintzen baitituzte partaideko. Alderdi ekonomikotik ez ezik, bestelako erraztasunik ere eman duela Hamaika Bertutek uste du: «Dei batekin bertsolaritzarekin komunikatzeko erraztasuna eman diegu sekula saio bat antolatu ez dutenei eta inguruan ezagunik ez zutenei ere».
Askotariko saioetan ari dira bertso kantari. Beńat Gaztelumendi bertsolari eta ekimeneko partaidearen arabera, «gehienak poteo girokoak eta bertso bazkari edo bertso afari formatu ez formalekoak izan dira. Dena dela, uste dut bertso saio bakoitzak badaukala bere historia, eta bertso afari guztiak ezin dira konparatu. Gazteentzako saioak izan dira, batez ere. Entzuleak eta bertsolariak adin bertsukoak izaten gara askotan, hori da saioek duten ezaugarri nagusia».